(रत्नागिरी)
कोकण रेल्वेच्या नेत्रावती एक्स्प्रेसने प्रवास करणारा तरुण रेल्वेतून खाली पडल्याची घटना शुक्रवारी रत्नागिरी तालुक्यातील भोके रेल्वे स्थानकात घडली. त्याला बेशुद्ध अवस्थेत उपचारासाठी जिल्हा शासकीय रुग्णालयात दाखल करण्यात आले आहे. या तरुणाची अद्याप ओळख पटलेली नाही.
एक अनोळखी तरुण नेत्रावती एक्स्प्रेसने कोकण रेल्वे मार्गावरून प्रवास करीत होता. ही गाडी शुक्रवारी सकाळी ९ वाजण्याच्या सुमाराला भोके रेल्वे स्थानकात आली असता, तो रेल्वेतून खाली पडला. रेल्वे पोलिसांनी त्याला बेशुद्धावस्थेत जिल्हा शासकीय रुग्णालयात दाखल केले आहे. मात्र, त्यांचे नाव, गाव, पत्ता याबाबत माहिती मिळू शकलेली नाही.
याप्रकरणी रत्नागिरी ग्रामीण पोलिस स्थानकात नोंद करण्यात आली असून, अधिक तपास सुरू आहे.
