(अमृतसर)
प्रसिद्ध अभिनेत्री कविता चौधरी (Kavita Chaudhary) यांचे निधन झाले आहे. त्यांच्या निधनामुळे मनोरंजन विश्वात शोककळा पसरली आहे. त्यांचे हृदयविकाराच्या धक्क्याने निधन झाले. अमृतसर या ठिकाणी वयाच्या ६७ व्या वर्षी त्यांनी अखेरचा श्वास घेतला. दूरदर्शनवरील प्रसिद्ध मालिका उडानमध्ये त्यांनी महत्त्वाची भूमिका केली होती. अमृतसरमधील शिवपुरी अंतिम संस्कार करण्यात आले.
कविता यांनी अभिनयसृष्टीत आतापर्यंत अनेक मालिका व जाहिरातींमध्ये काम केले आहे. दूरदर्शनच्या ‘उडान’ व ‘योर ऑनर’ या टीव्ही मालिकांची निर्मिती करून, त्यांनी मनोरंजन विश्वात वेगळी ओळख निर्माण केली होती. कविता चौधरी यांनी ‘उडान’ या मालिकेत आयपीएस अधिकारी कल्याणीची भूमिका साकारली होती. त्याशिवाय कविता यांनी ‘योर ऑनर’ आणि ‘आईपीएस डायरीज’ सारख्या शोमध्ये काम केलं. त्यांची ‘उडान’ या मालिका 1989 साली प्रदर्शित झाली होती. त्यांनी शोचं लेखन आणि दिग्दर्शन दोन्ही केलं होतं. ही मालिका त्यांची बहीण कंचन चौधरी भट्टाचार्यच्या जीवनावर आधारीत होती. ज्या किरण बेदी यांच्यानंतर झालेल्या दुसऱ्या आयपीएस अधिकारी होत्या.
