(मुंबई)
मालवण तालुक्यातील आंगणेवाडी ची जत्रा यंदा 22 फेब्रुवारी रोजी संपन्न होणार आहे. मालवणच्या मसुरे गावातील आंगणेवाडी या ठिकाणी असलेल्या भराडी देवीच्या यात्रेला मुंबईतील चाकरमानी मोठ्या संख्येने दाखल होत असतात. या जत्रेसाठी जाणार्‍या भाविकांची संख्या पाहता कोकण रेल्वे मार्गावर विशेष ट्रेन सोडल्या जाणार आहेत. या ट्रेनचं वेळापत्रक जारी करण्यात आलं आहे. एलटीटी ते सावंतवाडी स्थानकादरम्यान दोन ट्रेन सोडल्या जाणार आहेत. ही ट्रेन 21 आणि 22 फेब्रुवारी दिवशी सोडली जाणार आहे.
कोकणातील या प्रसिद्ध आंगणेवाडी जत्रेदरम्यान प्रवाशांची अतिरिक्त गर्दी कमी करण्यासाठी कोकण रेल्वेने मध्य रेल्वेच्या समन्वयाने या दोन विशेष गाड्या चालवण्याचा निर्णय घेतला आहे. या गाड्यांचा तपशील खालीलप्रमाणे आहे.
1) गाडी क्र. 01129 / 01130 लोकमान्य टिळक (T) – सावंतवाडी रोड – लोकमान्य टिळक (T) विशेष:
गाडी क्र. 01129 लोकमान्य टिळक (T) – सावंतवाडी रोड विशेष लोकमान्य टिळक टर्मिनस येथून शुक्रवार दिनांक 21/02/2025 रोजी 00:55 वाजता सुटेल आणि त्याच दिवशी दुपारी 12 वाजता सावंतवाडी रोडला पोहोचेल.
गाडी क्र. 01130 सावंतवाडी रोड – लोकमान्य टिळक (T) ही विशेष गाडी सावंतवाडी रोडवरून शुक्रवार दिनांक 21/02/2025 रोजी 18:00 वाजता सुटेल आणि दुसऱ्या दिवशी लोकमान्य टिळक टर्मिनस येथे 06:10 वाजता पोहोचेल.
ही गाडी ठाणे, पनवेल, पेण, रोहा, माणगाव, खेड, चिपळूण, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, कणकवली, सिंधुदुर्ग आणि कुडाळ स्थानकावर थांबेल.
डब्यांची रचना : एकूण 19 एलएचबी कोच : फर्स्ट एसी – 01 कोच, टू टायर एसी – 02 कोच, थ्री टायर एसी – 06 कोच, स्लीपर – 08 कोच, जनरेटर कार – 02
2) गाडी क्र. 01131 / 01132 लोकमान्य टिळक (T) – सावंतवाडी रोड – लोकमान्य टिळक (T) विशेष:
गाडी क्र. 01131 लोकमान्य टिळक (T) – सावंतवाडी रोड विशेष ही गाडी लोकमान्य टिळक टर्मिनस येथून शनिवार दिनांक 22/02/2025 रोजी 00:55 वाजता सुटेल आणि गाडी त्याच दिवशी दुपारी 12.00 वाजता सावंतवाडी रोडला पोहोचेल.
गाडी क्र. 01132 सावंतवाडी रोड – लोकमान्य टिळक (T) विशेष गाडी सावंतवाडी रोडवरून शनिवार दिनांक 22/02/2025 रोजी 18:00 वाजता सुटेल आणि दुसऱ्या दिवशी लोकमान्य टिळक टर्मिनस येथे 06:10 वाजता पोहोचेल.
ही गाडी ठाणे, पनवेल, पेण, रोहा, माणगाव, खेड, चिपळूण, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, कणकवली, सिंधुदुर्ग आणि कुडाळ स्थानकावर थांबेल.
डब्यांची रचना : एकूण 22 एलएचबी कोच : दोन टायर एसी – 01 कोच, थ्री टायर एसी – 06 कोच, स्लीपर – 09 कोच, जनरल – 04 कोच, जनरेटर कार – 01, एसएलआर – 01.
गाडी क्रमांक 01130 आणि 01132 या गाड्यांचे आरक्षण दिनांक 09/02/2025 रोजी सर्व प्रवासी आरक्षण प्रणाली (PRS), इंटरनेट आणि IRCTC संकेतस्थळावर उपलब्ध होणार आहे.
