(दापोली)
क्रीडा व युवक सेवा संचनालय महाराष्ट्र राज्य पुणे अंतर्गत जिल्हा क्रीडा परिषद व जिल्हा क्रीडा अधिकारी कार्यालय रत्नागिरी यांच्यावतीने आयोजित जिल्हास्तरीय तायक्वांदो स्पर्धेत नॅशनल हायस्कूल व ज्युनिअर कॉलेजच्या विद्यार्थ्यांनी यश प्राप्त केले आहे. इयत्ता बारावी इयत्तेत शिकणारा अब्दुल्ल लतिफ रखांगे व इयत्ता नववी मध्ये शिकणाऱ्या दय्यान सहिबोले यांनी सिल्वर मेडल प्राप्त करत प्रशालेचे नावलौकिक वाढवले आहे.
या यशस्वी विद्यार्थ्यांना ज्युनिअर कॉलेजचे क्रीडा शिक्षक प्रा. अश्फाक खान व हायस्कूलचे क्रीडा शिक्षक अजित लवाटे यांचे मार्गदर्शन लाभले. प्रशालेचे मुख्याध्यापक अय्युब मुल्ला यांच्या हस्ते यांचा सन्मान करण्यात आला. मुस्लिम एज्युकेशन सोसायटीचे गव्हर्निंग बॉडी चेअरमन लियाकत रखांगे, स्कूल कमिटी चेअरमन जावेद मणियार, कॉलेज कमिटी चेअरमन आरिफ मेमन व सेक्रेटरी इकबाल परकार यांनी या खेळाडूंचे अभिनंदन करत त्यांना पुढील वाटचालीस शुभेच्छा दिल्या.
