हातखंबा येथे श्री स्वामी विवेकानंद जयंती उत्साहात साजरी
( रत्नागिरी/ प्रतिनिधी )
येथील श्री स्वामी विवेकानंद शिक्षण संस्था कोल्हापूर संचलित गुरुवर्य देसाई माध्यमिक विद्यामंदिर व श्रीकांत उर्फ भाईशेठ मापुसकर आर्ट्स कॉमर्स संयुक्त जुनियर कॉलेज हातखंबा येथे श्री स्वामी विवेकानंद यांची जयंती मोठ्या थाटामाटात साजरी करण्यात आली.
श्री स्वामी विवेकानंद शिक्षण संस्थेच्या सर्व संस्कृती केंद्रामधून 12 जानेवारी रोजी श्री स्वामी विवेकानंद जयंती साजरी केली जाते या जयंतीचे औचित्य साधून साधून शिक्षण महर्षी परम पूज्य डॉक्टर बापूजी साळुंखे यांनी श्री स्वामी विवेकानंद जयंती सप्ताह सुरू केला आणि 12 जानेवारी ते 19 जानेवारी यादरम्यान दरवर्षी संस्थेच्या सर्व संस्कृती केंद्रामधून विविध क्रीडा स्पर्धा निबंध चित्रकला रांगोळी स्पर्धा या स्पर्धेचे आयोजन करण्यात येतं. श्री स्वामी; विवेकानंद यांच्या प्रतिमेची गावातून सवाद्य मिरवणूक काढण्यात आली याप्रसंगी इयत्ता पाचवी ते बारावीचे सर्व विद्यार्थी विद्यार्थिनी मोठ्या प्रमाणात उपस्थित होते.
