(रत्नागिरी)
नुकत्याच शिर्डी येथे झालेल्या साउथ झोन २ शालेय सीबीएससी स्पर्धेत रत्नागिरीतील नवनिर्माण इंग्लिश मीडियम स्कूल मधील युवा मार्शल आर्ट तायक्वांदो ट्रेनिंग सेंटर ओम साई मित्र मंडळ सभागृह साळवी स्टॉप नाचणे येथे प्रशिक्षण घेणारे सई संदेश सुवरे व भार्गवी सत्यविजय पवार या रत्नागिरीतील दोन सुवर्णकन्या ची निवड 09 ते 13 या दरम्यान होणाऱ्या उत्तराखंड येथे राष्ट्रीय स्पर्धेकरिता झाली आहे. सदर खेळाडू आज (सोमवार) रोजी रत्नागिरीतून रवाना होतील. या खेळाडूंचे संघ प्रशिक्षक म्हणून प्रतीक पवार साऊथ कोरिया ब्लॅक बेल्ट फर्स्ट दान राष्ट्रीय प्रशिक्षक यांची निवड करण्यात आली आहे.
दोन्ही खेळाडूंना मुख्य प्रशिक्षक राम कररा महिला प्रशिक्षिका शशी रेखा कररा यांचे मोलाचे मार्गदर्शन लाभले आहे. हे यश संपादन केल्याने जिल्हा संघटनेचे अध्यक्ष व्यंकटेश्वर राव कररा, चेअरमन अभिजीत हेगशेट्टे, मुख्याध्यापक अरविंद पाटील, डायरेक्टर मॅडम सीमा हेगशेट्टे यांनी अभिनंदन केले आहे. या यशाबद्दल दोन्ही खेळाडूंचे सर्वत्र अभिनंदन केले जात आहे.
