(चिपळूण)
राष्ट्रीय अविष्कार अभियानांतर्गत राज्याबाहेर अभ्यास दौऱ्यासाठी चिपळूण तालुक्यातील मांडकी खूर्द शाळेतील पूर्वी मादगे, दुर्वा शिगवण, तन्वी गुडेकर, सार्थक गुडेकर, श्रवण गुडेकर, स्वराज गुडेकर असे सहा विद्यार्थ्यांची निवड झाली आहे. तसेच शाळेच्या मुख्याध्यापिका श्रीमती मीना विचारे मॅडम ची निवड झाली.
सदर अभ्यास दौरा दि. ०७/०२/२०२५ ते १०/०२/२०२५ अखेर कर्नाटक राज्यात असून विश्वेश्वरैया म्युजियम, विमान म्युजियम, वृंदावन गार्डन, मैसूर पॅलेस तसेच टिपू सुलतान पॅलेस असा असणार आहे. विद्यार्थ्यांना मोलाचे मार्गदर्शन करणाऱ्या मीना विचारे, दत्तात्रेय नार्वेकर, विद्या कसबेकर तसेच रवींद्र घाणेकर या शिक्षकांकडून वेळोवेळी उत्तम प्रकारे लाभत आहे.
शाळेची उत्तम कामगिरी असून शा. व्य. स. अध्यक्ष निलेश डिके, उपाध्यक्ष अंकिता गुडेकर, शिक्षण तज्ञ सदस्य श्रीराम घाणेकर, सरपंच सोनू धुमक, उप सरपंच संजय मादगे तसेच इतर सदस्य आणि ग्रामस्थांनी दौऱ्यासाठी जाणाऱ्या विद्यार्थ्यांना आणि मुख्याध्यापिका यांना शुभेच्छा दिल्या आहेत.
