( रत्नागिरी )
रत्नागिरी एज्युकेशन सोसायटी संचलित सौ. गोदूताई जांभेकर विद्यालयाची विद्यार्थिनी सेजल सुभाष जाधव हिने चमकदार कामगिरी केली आहे. सेजलने जिल्हास्तरीय कॅरम स्पर्धेत प्रथम क्रमांक पटकावला आहे. या स्पर्धा बुधवार दि.25 सप्टेंबर 2024 रोजी शिवाजी स्टेडियम, रत्नागिरी येथे आयोजित करण्यात आल्या होत्या.
यापूर्वी देखील तिने अनेक ठिकाणी कॅरम स्पर्धेत सहभाग नोंदवून आपली उत्कृष्ट व चमकदार कामगिरी करत विजेपेपद मिळवले आहे. सेजल ही एक उत्कृष्ठ कबड्डीपट्टू देखील असून स्वराज प्रतिष्ठान मिरजोळे महिला कबड्डी संघातून चमक दाखवत असते. सेजल जाधवने पुन्हा एकदा जिल्हास्तरीय शालेय कॅरम स्पर्धेत 17 वर्षाखालील मुलींच्या गटातून उत्कृष्ट कामगिरी करत जिल्हास्तरीय कॅरम स्पर्धेत प्रथम क्रमांक पटकावला आहे. तिची आता कोल्हापूर विभागीय स्पर्धेसाठी निवड करण्यात आली आहे. तिला मार्गदर्शन क्रीडा शिक्षक महेंद्र पवार यांचे लाभले आहे. विभाग स्तरावर निवड झाल्याबद्दल तिचे विद्यालयाच्या वतीने अभिनंदन करण्यात आले आहे.
तसेच कोल्हापूर विभाग स्तरावर देखील प्रथम क्रमांक पटकावून रत्नागिरीचे नाव तिथेही उंचावेल असा विश्वास सेजलचे वडिल सुभाष जाधव यांनी व्यक्त केला आहे.
