( जाकदेवी / संतोष पवार )
रत्नागिरी तालुक्यातील जाकादेवी खालगाव येथील सामाजिक व क्रीडा क्षेत्रातील हरहुन्नरी व्यक्तिमत्व संदेश नंदकुमार खेऊर यांचे वयाच्या ४८ व्या वर्षी शनिवार दि.२६ रोजी अल्पशा आजाराने दुःखद निधन झाले.
दिवंगत संदेश नंदकुमार खेऊर हे अतिशय खिलाडू वृत्तीचे मनमिळावू व्यक्तिमत्व होते. होतकरू खेळाडूंना ते मनापासून प्रोत्साहन देत असत. सामाजिक, सांस्कृतिक, क्रीडा क्षेत्राची त्यांना प्रचंड आवड होती. सामुदायिक कामात ते हिरीरीने सहभागी होत असत. जाकादेवी हायस्कूलमधील माजी कर्मचारी (नाईक) नंदकुमार खेऊर यांचे ते पुत्र, तर सामाजिक कार्यकर्ते राकेश खेऊर यांचे ते भाऊ होत.
संदेश खेऊर यांच्या निधनाने जाकादेवी खालगाव सांस्कृतिक व क्रीडाक्षेत्रात मोठी पोकळी निर्माण झाली आहे.त्यांच्या पश्चात आई, वडील, पत्नी, मुलगी, भाऊ, भावजय, पुतणे असा मोठा परिवार आहे. त्यांच्या निधनाने परिसरातून दुःख व्यक्त होत आहे.
