( जाकादेवी/वार्ताहर )
रत्नागिरी तालुक्यातील जांभारी- खंडाळा येथील रहिवाशी प्राथमिक कास्ट्राईब शिक्षक संघटनेचे जिल्हा सहसचिव सुरेश गोविंद सुर्वे यांच्या मातोश्री श्रीम.सिताबाई गोविंद सुर्वे यांचे सोमवार दि.२२ रोजी दुःखद निधन झाले. मृत्यू समई यांचे वय ७८ वर्ष होते.
दिवंगत सिताबाई गोविंद सुर्वे या अत्यंत प्रेमळ,कष्टाळू,परोपकारी,कडक शिस्तीच्या होत्या.अपार कष्ट सोसून त्यांनी जिद्दीने आपल्या दोन्ही मुलांना उच्चशिक्षित केले.त्यांची शिक्षणावर फार मोठी श्रद्धा होती.त्यांच्या पश्चात मुलगा,मुलगी,सून, नातवंडे ,भाऊ ,बहिणी असा परिवार आहे. त्यांच्या अंत्ययात्रेत शैक्षणिक, सामाजिक ,धार्मिक व राजकीय क्षेत्रातील अनेक नागरिक व मान्यवर सहभागी झाले होते.त्यांचा पुण्यानुमोदन व शोकसभा धार्मिक विधी खंडाळा येथे रविवार दि.२८ रोजी सकाळी ११ वा.होणार आहे.
