(तरवळ/ अमित जाधव)
रत्नागिरी तालुक्यातील मौजे तरवळ (माचीवलेवाडी)येथील ग्रुप ग्रामपंचायत तरवळ/आगवे मधिल पहिल्या माजी महिला सरपंच रुपाली रामचंद्र माचीवले यांचे दिनांक १९ जानेवारी रोजी दीर्घ आजाराने वयाच्या ४८ व्या वर्षी दुःखद निधन झाले.
ग्रुप ग्रामपंचायत तरवळ आगवे या ग्रामपंचायत च्या पहिल्या महिला सरपंच होण्याचा त्यांना बहुमान मिळाला होता. आपल्या सरपंच पदाच्या कारकिर्दीमध्ये गावातील अनेक विधायक कामे पूर्णत्वास गेली होती. सरपंच पदाच्या कारकिर्दीमध्ये त्यांनी गावातील नागरिकांमध्ये सलोखा निर्माण करण्यासाठी प्रयत्न केले.प्रत्येक विभागातील विकासात्मक कामे करण्यासाठी भर दिला. तसेच गावाचा सर्वांगीण विकास व्हावा यासाठी प्रयत्न केले.
त्यांच्या अचानक जाण्याने संपूर्ण गावावर शोककळा पसरली आहे. ग्रुप ग्रामपंचायत तरवळ आगवे यांच्या वतीने एक दिवसाचा सार्वजनिक दुखवटा पाळून त्यांना श्रद्धांजली अर्पण करण्यात आली.त्यांच्या पश्चात पती, दोन विवाहित मुली, जावई, तसेच मुलगा असा त्यांचा परिवार आहे.
