(मुंबई)
राज्य शासनाचा सांस्कृतिक कार्य विभाग आणि पु. ल. देशपांडे महाराष्ट्र कला अकादमीच्या वतीने घेण्यात आलेल्या उत्कृष्ट सार्वजनिक गणेशोत्सव मंडळ स्पर्धा 2024 चा निकाल घोषित करण्यात आला आहे. राज्यस्तरीय प्रथम पुरस्कार भारत माता गणेश मंडळ, देवनांदरा, जि. परभणी, द्वितीय पुरस्कार जय भवानी मित्र मंडळ, ठाणे व तृतीय पुरस्कार वसुंधरा वृक्षरुपी गणेशोत्सव, लातूर यांना जाहीर झाला आहे.
राज्यातील पहिला क्रमांकाच्या उत्कृष्ट गणेशोत्सव मंडळास पाच लाख, द्वितीय क्रमांकास दोन लाख 50 हजार आणि तृतीय क्रमांकास रुपये एक लाख इतक्या रकमेचे पारितोषिक, सन्मानाचिन्ह व प्रमाणपत्र देऊन गौरविण्यात येणार आहे. याशिवाय उर्वरित 36 जिल्ह्यांसाठीही जिल्हानिहाय पारितोषिक विजेते जाहीर करण्यात आले आहेत. जिल्हास्तरीय पारितोषिकाचे स्वरूप रुपये 25000 प्रत्येकी, सन्मान चिन्ह व प्रमाणपत्र असे आहे. सर्व राज्यस्तरीय व जिल्हास्तरीय विजेत्यांचे सांस्कृतिक कार्य मंत्री सुधीर मुनगंटीवार यांनी अभिनंदन केले आहे.
स्पर्धेचा पारितोषिक वितरण समारंभ सांस्कृतिक कार्य मंत्री सुधीर मुनगंटीवार यांच्या अध्यक्षीय उपस्थितीत बुधवार, ता. 9 ऑक्टोबर 2024 रोजी होणार आहे. यशवंत नाट्यमंदिर, माहीम, मुंबई -16 येथे दुपारी बारा वाजता हा पारितोषिक वितरण समारंभ असून शालेय शिक्षण मंत्री तथा मुंबई शहर जिल्ह्याचे पालकमंत्री दीपक केसरकर, खासदार अनिल देसाई आणि आमदार सदा सरवणकर यांची प्रमुख उपस्थिती राहणार आहे. यावेळी साईलीला कला मंच व विनायक पुरुषोत्तम लिखित व दिग्दर्शित, महाराष्ट्राची हास्यजत्रा फेम कलाकार निखिल बने व निमिष कुलकर्णी यांचे सादरीकरण असलेला ‘ नमन गणेशा ‘ हा सांस्कृतिक कार्यक्रमही होणार आहे. या कार्यक्रमास उपस्थित राहण्याचे आवाहन मुख्यमंत्र्यांचे अपर मुख्य सचिव तथा सांस्कृतिक कार्य विभागाचे अपर मुख्य सचिव विकास खारगे यांनी केले आहे.
राज्यस्तरीय निकाल 2024
| अ. क्र. | मंडळाचे नाव | जिल्हा | राज्यस्तरीय क्रमांक |
| 1 | भारतमाता गणेश मंडळ | परभणी | प्रथम |
| 2 | जय भवानी मित्र मंडळ | ठाणे | द्वितीय |
| 3 | वसुंधरा वृक्षरुपी गणेशोत्सव | लातूर | तृतीय |
जिल्हास्तरीय निकाल 2024
| अ.क्र. | जिल्हा | विजेते मंडळ |
| 1 | मुंबई | 1 रंगारी बदक चाळ रहिवाशी संघ२. श्री. हनुमान सेवा मंडळ
३. शिवाजी पार्क (हाऊस) सार्वजनिक गणेशोत्सव मंडळ |
| 2 | मुंबई उपनगर | १. श्री गणेश क्रिडा मंडळ२. बर्वेनगर व भटवाडी सार्वजनिक गणेशोत्सव मंडळ
३. शिवगर्जना तरुण मित्र मंडळ |
| 3 | ठाणे | १. जय भवानी मित्र मंडळ२. न्यू ग्रीनवूड सार्वजनिक गणेशोत्सव मंडळ
३. शिवसम्राट मित्र मंडळ |
| 4 | पालघर | साईनगर विकास मंडळ |
| 5 | रायगड | सार्वजनिक गणेशोत्सव ट्रस्ट, रोहा |
| 6 | रत्नागिरी | पालघरवाडी सार्वजनिक गणेशोत्सव मंडळ |
| 7 | सिंधुदुर्ग | सार्वजनिक गणेशोत्सव मंडळ |
| 8 | पुणे | १. एकता मित्र मंडळ२. सम्राट मित्र मंडळ
३. मार्केटयार्ड मित्र मंडळ |
| 9 | सातारा | अभय कला व क्रीडा गणेशोत्सव मंडळ |
| 10 | सांगली | मोरया प्रतिष्ठान |
| 11 | कोल्हापूर | छत्रपती श्री. शाहू तालीम मंडळ |
| 12 | सोलापूर | यशोदिप युवा सांस्कृतिक व बहुद्देशीय संस्था |
| 13 | नाशिक | शिव युवा प्रतिष्ठान सार्वजनिक गणेश उत्सव |
| 14 | धुळे | वंदे मातरम प्रतिष्ठान |
| 15 | जळगाव | जळगाव जनता बँक कर्मचारी गणेश मंडळ |
| 16 | अ.नगर | ज्ञानविद्या बहुद्देशीय संस्था |
| 17 | नंदुरबार | श्री. अण्णा गणेश मंडळ |
| 18 | छ.संभाजी नगर | कुलस्वामिनी प्रतिष्ठान गणेश मंडळ |
| 19 | बीड | सरस्वती गणेश मंडळ |
| 20 | जालना | श्री. संत सावता गणेश मंडळ |
| 21 | धाराशिव | तुळजाई सांस्कृतिक व क्रिडा गणेश मंडळ |
| 22 | नांदेड | श्री. छत्रपती शिवाजी महाराज गणेश मंडळ |
| 23 | लातूर | वसुंधरा वृक्षरुपी गणेशोत्सव |
| 24 | परभणी | भारतमाता गणेश मंडळ |
| 25 | हिंगोली | श्री. ओमसाई गणेश मंडळ |
| 26 | अमरावती | श्री. बजरंग गणेशोत्सव मंडळ |
| 27 | अकोला | स्व. विनायक राखोंडे स्मृती गणेशोत्सव मंडळ |
| 28 | बुलढाणा | तानाजी व्यायाम शाळा गणेश मंडळ |
| 29 | यवतमाळ | जय विजय गणेशोत्सव मंडळ |
| 30 | वाशीम | विघ्नहर्ता गणेश मंडळ |
| 31 | नागपूर | भारत क्रिडा मंडळ |
| 32 | भंडारा | हनुमान व्यायाम शाळा गणेशोत्सव मंडळ |
| 33 | चंद्रपूर | श्री. नवयुवक बाल गणेश मंडळ |
| 34 | गडचिरोली | टायगर ग्रुप (गडचिरोली जिल्हा बहुद्देशीय विकास संस्था) |
| 35 | गोंदिया | सार्वजनिक बाल गणेश मंडळ |
| 36 | वर्धा | सार्वजनिक गणेश उत्सव मंडळ |
