( जाकादेवी / वार्ताहर )
रत्नागिरी तालुक्यातील मालगुंड एज्युकेशन सोसायटीचे माजी चेअरमन तसेच शैक्षणिक सामाजिक ,क्रीडा क्षेत्रातील अग्रगण्य व्यक्तिमत्व कै. डॉ. दिलीप उर्फ नानासाहेब मयेकर यांच्या चतुर्थ स्मृतिदिनानिमित्त मोहिनी मुरारी मयेकर महाविद्यालय चाफे येथे २ ऑक्टोबर रोजी सकाळी ९ वाजता नावीन्यपूर्ण स्पर्धांचे आयोजन करण्यात आले आहे. सदरच्या स्पर्धा डॉ .नानासाहेब मयेकर फाउंडेशनच्या वतीने आयोजित करण्यात आल्या आहेत. यामध्ये भाषण, सूत्रसंचलन, पुस्तक परीक्षण, हस्ताक्षर, व्यंगचित्र तसेच वादन अशा शालेय स्तरांवरील विविध स्पर्धांचे आयोजन करण्यात आले आहे.
या स्पर्धेत चाफे,मालगुंड, जाकादेवी, काजुर्ली विद्यालयातील स्पर्धेक सहभागी होणार आहेत. कै.डॉ. नानासाहेब मयेकर यांनी स्वतःला झोकून देऊन विविध क्षेत्रात उल्लेखनीय ठसा उमटविला होता. शैक्षणिक, सामाजिक आणि क्रीडा क्षेत्रातील त्यांनी उठावदार केलेले शैक्षणिक व सामाजिक कार्य कोणालाही विसरता येणार नाही. नानांच्या स्मृतीला वंदन करण्यासाठी शैक्षणिक, सामाजिक, क्रीडा, सांस्कृतिक क्षेत्रातील अनेक मान्यवर उपस्थित राहणार आहेत.
