(गणपतीपुळे / वैभव पवार)
रत्नागिरी तालुक्यातील मालगुंड शिवगणवाडी येथील उत्कर्ष स्पोर्ट यांचे वतीने दिनांक 9 एप्रिल ते 13 एप्रिल या कालावधीत खास गुढीपाडवा सणाचे औचित्य साधून भव्य नाईट अंडरआर्म क्रिकेट स्पर्धेचे आयोजन करण्यात आले आहे. ही स्पर्धा मालगुंड शिवगणवाडी येथील पुसाळकर राईस मिल शेजारच्या मैदानावर रंगणार आहे. तसेच मालगुंड शिवगणवाडी येथील उत्कर्ष स्पोर्ट च्या वतीने प्रथमच पहिल्या पर्वातील ही स्पर्धा सुपर सिक्स म्हणून रंगणार आहे.
या स्पर्धेत मालगुंड पंचक्रोशीतील आणि रत्नागिरी जिल्ह्यातील निमंत्रित संघांना सहभागी करण्यात येणार आहे. या स्पर्धेतील प्रथम विजेत्या संघाला रोख रक्कम दहा हजार एक रुपयांचे पारितोषिक, द्वितीय विजेत्या संघाला रोख रक्कम सात हजार एक रुपयांचे पारितोषिक, तृतीय विजेत्या संघाला रोख रक्कम चार हजार एक तर चतुर्थ क्रमांक संघाला रोख रक्कम तीन हजार एक चे पारितोषिक आणि आकर्षक चषक देऊन गौरवण्यात येणार आहे. तसेच संपूर्ण स्पर्धेतील सर्वोत्कृष्ट खेळाडूंमध्ये उत्कृष्ट फलंदाज, गोलंदाज, क्षेत्ररक्षक व सामनावीर खेळाडूंना आकर्षक बक्षीसे देऊन सन्मानित करण्यात येणार आहे.
या स्पर्धेत सहभागी होणाऱ्या इच्छूक संघांनी आपली नावे उत्कर्ष स्पोर्ट मालगुंड शिवगणवाडी चे प्रमुख संयोजक रोशन, तुषार, अक्षय, आशिष व मानस यांच्या भ्रमणध्वनीवर संपर्क साधावा, असे आवाहन करण्यात आले आहे.
