(राजापूर)
सिंधुरत्न समृद्ध योजना कार्यकारी समितीचे सदस्य, महाराष्ट्र क्रिकेट असोसिएशनचे उपाध्यक्ष आणि शिवसेना पक्षाचे नेते किरण (भैय्या) सामंत यांच्या नेतृत्वावर विश्वास ठेवत राजापूर तालुक्यातील मूर चिखलवाडी येथील शिवसेना उद्धव बाळासाहेब ठाकरे गटातील कार्यकर्ते आणि ग्रामस्थ यांनी सोमवारी किरण (भैय्या) सामंत यांच्या उपस्थितीत शिवसेना पक्षात प्रवेश केला.
मागील अनेक वर्षांपासून गावात विविध विकासाची कामे प्रलंबित राहिली आहेत. ती विकासाची कामे फक्त किरण सामंत यांच्या माध्यमातूनच होऊ शकतात,असा विश्वास असल्याने या सर्व ग्रामस्थांनी शिवसेना पक्षात प्रवेश केला. यावेळी तालुका संघटक भरत लाड, विभाग प्रमुख शैलेश साळवी, युवा सेना तालुका प्रमुख सुनील गुरव, ज्येष्ठ शिवसेना कार्यकर्ते आप्पा साळवी, शाखा प्रमुख अमय कोलते, बाबू पडवळ आदी पदाधिकारी, कार्यकर्ते उपस्थित होते. या पक्ष प्रवेश केलेल्या ग्रामस्थांचे सर्व स्तरातून अभिनंदन व्यक्त होत आहे.
