(तरवळ / अमित जाधव)
रत्नागिरी तालुक्यातील मालगुंड एज्युकेशन सोसायटीच्या बळीराम परकर विद्यालय व मुरारी तथा भाई मयेकर ज्युनियर कॉलेज मधील विद्यार्थ्यांनी शासकिय रेखाकला एलिमेंटरी आणि इंटरमिजिएट परीक्षा २०२४ मध्ये चमकदार कामगिरी केली आहे. मागील वर्षी झालेल्या शासकिय रेखाकला परीक्षा त्यामध्ये एलिमेंटरी या परीक्षेसाठी प्रशालेतील ४६ विद्यार्थी प्रविष्ठ झाले होते, त्या मधील सर्व विद्यार्थी उत्तीर्ण झाले आहेत.
या परीक्षेचा निकाल १००%निकाल लागला आहे, आणि त्यातील अंश सुर्वे, पार्थ तोडणकर, अर्णव हेदवकर, सेजल दुर्गवळी, आरुषी कांबळे या ५ विद्यार्थ्यांना A श्रेणी मिळाली, तसेच सानिका मोरे, शर्वरी धुरी, जान्हवी देवरुखकर, निधी घवाळी, श्रावणी चव्हाण, प्रथम पवार या ६ विद्यार्थ्यांना B श्रेणी मिळाली आहे . तर इंटरमीजिएट या श्रेणी परीक्षेला ३७ विद्यार्थी प्रविष्ट झाले होते त्यातील ३५ विद्यार्थी उत्तीर्ण झाले आहेत, तर निकाल ९४.५९% निकाल लागला आहे. या मध्ये रिया पाटील, ओजस मयेकर, रूपम पाटील, वेदांत घवाळी या ४ विद्यार्थ्यांना A श्रेणी मिळाली आहे . तर मृणाली मयेकर, मनस्वी अजगोलकर, तृषा वासावे, अनुष्का खारवटकर, आर्या कुळकर्णी, दिव्या भोसले, आशिष शिगवण या ७ विद्यार्थ्यांना B श्रेणी मिळाली आहे . या सर्व विद्यार्थ्यांना प्रशालेचे कला शिक्षक शाम पवार यांचे विशेष मार्गदर्शन लाभले होते.
या शासकिय रेखाकला परीक्षेत विद्यार्थ्यांनी जे चमकदार यश मिळविलेले आहे , तसेच विद्यालयाची निकालाची उज्ज्वल परंपरा कायम राखली आहे त्या बद्दल प्रशाला आणि ज्युनिअर कॉलेज चे मुख्याध्यापक बिपीन परकर, पर्यवेक्षक उमेश केळकर तसेच, मालगुंड एज्युकेशन सोसायटी चे अध्यक्ष सुनिल ऊर्फ बंधू मयेकर, उपाध्यक्ष विवेक परकर ,सचिव विनायक राऊत, खजिनदार संदीप कदम तसेच सर्व संचालक मंडळाने या सर्व यशस्वी विद्यार्थ्यांचे तसेच त्यांना मार्गदर्शन करणारे कला शिक्षक शाम पवार यांचे विशेष अभिनंदन केले आहे.
