(रत्नागिरी)
शहरातील नाचणे रोडवर दैवज्ञ भवन समोर आज सायंकाळी मोठा अपघात झाला. एका भरधाव कारने आधी चारचाकी, दुचाकी आणि नंतर पादचारी महिलेला धडक दिली. धडक दिल्यानंतर कार पोलावर जाऊन आदळली.अपघातानंतर धडक देणारी कार विरुद्ध दिशेला वळली. चारचाकी गाडीचा टायर फुटल्याने सदर अपघात झाल्याची माहीती मिळत आहे. अपघातानंतर या मार्गावर मोठी गर्दी झाल्याने प्रचंड वाहतूक कोंडीही झाली होती
या अपघातात टू व्हीलर गाड्यांचा चक्काचुर मोठ्या प्रमाणात गाड्यांचे नुकसान झाले आहे. नाचणे रोडवरून रत्नागिरीकडे येणारी चार चाकी गाडी क्रमांक (MH08AX6550) येत असताना नाचणे रोडवरील दैवज्ञ हॉलच्या समोर रस्त्याने जाणाऱ्या कमीत कमी तीन ते चार गाड्यांना या चारचाकी गाडीने उडवल्या. दरम्यान ही चारचाकी गाडी जैन नामक व्यक्ती चालवत असल्याची माहिती मिळत आहे.
नाचणे रोडवर रस्त्याचे काम सुरू असून एका मार्गावरून दुहेरी वाहतूक सुरू आहे संध्याकाळची वेळ असून सहा वाजत चार चाकी गाडीने तब्बल चार गाड्यांना उडवल्याने एकच खळबळ उडाली आहे.
या प्रकरणी पोलीस जागेवर गेलेले असून अधिक तपास करत आहेत.
