(रत्नागिरी)
कोलकाता येथील महिला डॉक्टरवर झालेल्या अत्याचाराच्या तसेच बदलापूर शहरामध्ये अल्पवयीन चिमुकल्यांवर झालेल्या लैंगिक अत्याचाराविरोधात येथील माहेर संस्थेने संस्थापिका संचालिका सि. लुसी कुरियन यांच्या मार्गदर्शनाखाली पीडितांना न्याय मिळावा, यासाठी तसेच यापुढे महिलांवरील अत्याचाराच्या प्रकारांना आळा बसावा, यासाठी कॅन्डल मार्चचे आयोजन केले होते.
यावेळी संस्थेतील प्रवेशितांनी ‘वाँट जस्टीस, अत्याचार थांबवा’ असे फलक व जळत्या मेणबत्त्या हातात घेऊन समर्थ नगर हातखंबा येथे कॅन्डल मार्च करून निषेध व्यक्त केला. यावेळी अत्याचारात बळी पडलेल्या महिलांसाठी विशेष प्रार्थना करण्यात आली. यावेळी माहेर संस्था रत्नागिरीचे प्रकल्प प्रमुख सुनील कांबळे, कर्मचारी शीतल हिवराळे, ऋतिका मरसकोल्हे, विजया कांबळे, माधुरी पांचाळ, आशिष मुळे व संस्थेतील प्रवेशित मुले-मुली, महिला उपस्थित होत्या.
