(संगमेश्वर / एजाज पटेल)
संगमेश्वर तालुक्यातील बुरुंबी हायस्कूल येथे घेण्यात आलेल्या तालुकास्तरीय गणित प्रश्नमंजुषा स्पर्धेत संपूर्ण रत्नागिरी जिल्ह्यामधून सहभागी झालेल्या स्पर्धकांमधून घेण्यात आलेल्या परीक्षेमध्ये मीनाताई ठाकरे विद्यालय साडवली ची विद्यार्थिनी वैष्णवी विजय नाकाडे व सोहम टिळेकर यांनी भाग घेऊन संगमेश्वर तालुक्यातून प्रथम येण्याचा मान मिळवला.
त्यानंतर दुसऱ्या दिवशी कसबा हायस्कूल येथे घेणेत आलेल्या जिल्हास्तरीय गणित प्रश्नमंजुषा स्पर्धेत जिल्ह्यातून प्रथम येण्याचा मान कै.मीनाताई ठाकरे विद्यालय साडवली शाळेची विद्यार्थीनी वैष्णवी नाकाडे व सोहम टिळेकर यांनी मिळवून दिला. या स्पर्धेत त्यांना आठले मॅडम यांचे मार्गदर्शन मिळाले. या निमित्ताने सर्व तालुक्यातून व जिल्ह्यातून त्यांच्यावर अभिनंदनाचा वर्षाव होत आहे.
