(रत्नागिरी)
तालुक्यातील ग्रुप ग्रामपंचायत मिरजोळे येथील बाळासाहेब ठाकरे सभागृहात बाळ सत्याधारी महाराज आणि यश दिनेश चव्हाण यांचा ग्रुप ग्रामपंचायत मिरजोळे यांच्या वतीने सत्कार करण्यात आला.
ग्रुप ग्रामपंचायत मिरजोळे कार्यक्षेत्रातील शिळ येथील बाळ सत्याधारी महाराज तथा श्री. राजाराम गंगाराम पवार यांना त्यांच्या विविध सामाजिक कार्यासाठी राष्ट्रीय फिनिक्स ग्लोबल अँवार्ड २०२४ मध्ये आदर्श समाज भूषण गौरव पुरस्कार प्राप्त झाला त्याबद्ल ग्रुप ग्रामपंचायत मिरजोळे यांच्या मार्फत रत्नागिरीचे तहसिलदार श्री. राजाराम म्हात्रे यांच्या हस्ते सत्कार करण्यात आला. मिरजोळे पडवेवाडी येथील यश दिनेश चव्हाण यांना राष्ट्रीय कौशल्य विकास स्पर्धेत (इंडिया स्किल २०२४ ) केशभूषा या कौशल्यामध्ये राष्ट्रीय स्तरावर अव्वल ठरत सुवर्ण पदक मिळवून गावाचे नाव उज्ज्वल केले. त्यासाठी त्यांचा सत्कार ग्रुप ग्रामपंचायत यांच्या वतीने गावाचे प्रमुख मानकरी श्री. शरद पाटील यांच्या हस्ते करण्यात आला.
सदर कार्यक्रमाला सरपंच श्री.गजानन गुरव ग्रामपंचायत सदस्य पूजा कोपर्डे, राहुल पवार, प्रज्ञा पवार ,रत्नदीप पाटील,सुरज माळगुंडकर, सुप्रिया विचारे, माजी सरपंच श्री. रामदास पाटील, तंटामुक्ती अध्यक्ष संजय पडये, पोलीस पाटील रजनीकांत पडये, दिलीप पाटील, भगवान जाधव, संजिव विचारे, श्रीराम नखरेकर, ग्राम विकास अधिकारी जी.डी.बडद, गावातील ग्रामस्थ आणि ग्रामपंचायत कर्मचारी उपस्थित होते.
