(जाकादेवी / संतोष पवार)
रत्नागिरी तालुक्यातील जाकादेवी देवस्थान खालगाव गोताडवाडी यांच्यामार्फत जाकादेवी देवस्थानची यात्रा व देवदिवाळी वार्षिक उत्सव सुरू झाला असून आज सोमवार २ डिसेंबर रोजी भव्य वार्षिक यात्रोत्सवाला प्रारंभ झाला आहे.
१ डिसेंबर ते ३ डिसेंबर या तीन दिवसीय कालावधीत जाकादेवी मंदिरात विविध धार्मिक व सांस्कृतिक कार्यक्रमांचे भरगच्च आयोजन करण्यात आले आहे. १ रोजी सकाळी ६ वाजता नित्य पूजा आरती ९ वाजता सहस्रनाम दुपारी १२ वाजता जाकादेवी दिनदर्शिका प्रकाशन सोहळा सायंकाळी ७ वाजता नित्य पूजा व आरती असे कार्यक्रम उत्साहात संपन्न झाले.
सोमवार दिनांक २ डिसेंबर रोजी सकाळी ६ वाजता नित्य पूजा आरती, सकाळी ७ वाजता वार्षिक यात्रा उत्सवाला प्रारंभ झाला असून देवदर्शनासाठी जिल्हा परजिल्ह्यातून भाविकांची मोठी रीघ लागली आहे. दुपारी १२.३० ते दुपारी ३ वाजेपर्यंत खिचडी प्रसाद देण्यात येणार आहे. सायंकाळी ७ वाजता नित्य पूजा रात्री ८.३० वाजता आरती व भोवत्या, रात्री १० वाजता नमन स्थानिक गोताडवाडी सादर होणार आहेत.
मंगळवार दिनांक ३ रोजी सकाळी ६ वाजता नित्य पूजा आरती ,सकाळी ११ वाजता सत्यनारायण महापूजा, दुपारी १ ते रात्री ८ वाजेपर्यंत तीर्थप्रसाद, दुपारी १ वाजता महिलांचे हळदीकुंकू समारंभ, सायंकाळी ७ वा नित्य पूजा रात्री ८.३० वाजता आरती व भोवत्या, तसेच रात्री १०.३० वाजता दोन अंकी नाटक हीच तर प्रेमाची गंमत आहे, अशोक पाटोळे लिखित भाग्येश खरे दिग्दर्शित हा प्रसिद्ध नाट्य प्रयोग जाकादेवी देवस्थान खालगाव गोताडवाडी निर्मित व सादरकर्ते श्रीरंग निर्मित रत्नागिरी यांच्यामार्फत सादर होणार आहे. तरी जाकादेवी देवस्थान खालगाव गोताडवाडी ,श्री जाकादेवी देवस्थान मुंबई मंडळ व कुलस्वामिनी सेवा मंडळ व महिला मंडळ खालगाव देवस्थान वार्षिक महोत्सव यशस्वीसाठी मेहनत घेत आहेत.देवस्थान कमिटीतर्फे भाविकांची उत्तम सोय करण्यात आली आहे.
जाकादेवी परिसरात भक्तीमय वातावरण निर्माण झाले आहे. यातेत विविध वस्तू विक्रेते मोठ्या संख्येने सहभागी झाले असल्याने खरेदी करणारा ग्राहक वर्गाचीही गर्दी वाढली आहे.विशेषत: छोटी मुले, शाळकरी मुले महिलावर्ग यांची उपस्थिती उल्लेखनीय आहे.यात्रेच्या दिवशी पंचक्रोशीतील भाविकांसाठी एस.टी. बस सेवेची व्यवस्था उपलब्ध करून देण्यात आली आहे.
