(रत्नागिरी)
शिवसेना युवा सेना कापडगांव व शिवराय प्रतिष्ठान युवा मंच कापडगाव यांच्या माध्यमातून गणेशोत्सवानिमित्त गणपती सजावट स्पर्धा घेण्यात आल्या. शिवसेना युवा सेना उपविभाग प्रमुख कापडगाव सरपंच श्री. विघ्नेश विश्वास कोत्रे, शिवराय प्रतिष्ठान युवा मंच कापडगाव अध्यक्ष श्री. प्रवीण सुरेश पेजे व सहकारी यांच्या माध्यमातून श्री गणेश उत्सव सजावट स्पर्धा घेण्यात आली.
या स्पर्धेमध्ये वीस स्पर्धकांनी सहभाग नोंदवला. यामध्ये प्रथम क्रमांक श्री. अनिल नारायण कुरतडकर, द्वितीय क्रमांक अंकुश शिंदे, तृतीय क्रमांक विश्वास नारायण मांडवकर तर उत्तेजनार्थ आबा साळवी, केतन पाले ठरले. व तसेच इतर सर्व स्पर्धकांना सन्मानचिन्ह देऊन सन्मानित व रोख रक्कम देण्यात आली. सदर कार्यक्रमामुळे गावात उत्साहाचे वातावरण तयार झाले. या कार्यक्रमाला प्रशिक्षक म्हणून लाभलेले श्री मनोजकुमार खानविलकर व श्री गिरीश शितप यांचे या कार्यक्रमासाठी विशेष सहकार्य लाभले.
