(संगमेश्वर)
जिल्हा परिषद शाळांमध्ये शैक्षणिक उपक्रमांची रेलचेल सुरू असते. याच धर्तीवर विज्ञानविषयक ज्ञानाची आस लागावी, गोडी वाढावी यादृष्टीने गगनभरारी अंतर्गत रत्नागिरी जिल्ह्यातील जिल्हा परिषद शाळांमध्ये नासा इस्त्रो ही परीक्षा घेतली जाते. अनेक हुशार, तल्लख, गुणवंत विद्यार्थी यामुळे प्रकाशझोतात आले आहेत.
संगमेश्वर तालुक्यातील सात विद्यार्थ्यांची यासाठी निवड करण्यात आली आले. नासा, इस्त्रो या अंतराळ संशोधन केंद्रात काम कसे चालते, याची प्राथमिक माहिती देण्यात येते.हा दौरा सहा ते सात दिवसांचा असतो.
अशीच एक विद्यार्थीनी आपल्या तल्लख बुद्धीच्या जोरावर या यशापाशी पोहोचली आहे. जि.प.शाळा बामणोली नं.१ या शाळेची विद्यार्थिनी स्वरा अमोल प्रभावळकर हीची निवड इस्त्रो भेटीसाठी झाली आहे. पालक, गुरुजनांचे मार्गदर्शन आणि अथक परिश्रम हेच या यशाचे गमक आहे.
या यशाबद्दल तिचे तालुक्यातून कौतुक होत आहे. शाळेचे मुख्याध्यापक शशिकांत अडबल, संदीप सनगरे, संचिता सुर्वे, संजय तटकरे या गुरुजनांचे अनमोल मार्गदर्शन लाभले आहे.
याखेरीज विस्तार अधिकारी तानाजी नाईक, केंद्रप्रमुख कदम सर यांच्या कडून प्रेरणा व मौलिक मार्गदर्शन लाभले आहे. तिच्या पुढच्या वाटचालीस भरभरून शुभेच्छा देण्यासाठी सरपंच वैष्णवी शिंदे, ग्रामपंचायत सदस्य प्रदीप गुरव, सर्व ग्रामपंचायत सदस्य, माजी सरपंच किसन राणेंसह सर्व ग्रामस्थ, शाळा व्यवस्थापन समिती,पालक वर्ग, कर्मचारी वृंद उपस्थित होते. या सर्वांनी स्वराचे विशेष कौतुक केले आहे. परीसरातून तिच्यावर अभिनंदनाचा वर्षाव होतो आहे.
