(जाकादेवी / वार्ताहर)
रत्नागिरी तालुक्यातील देऊड गावचे ज्येष्ठ सामाजिक कार्यकर्ते, माजी सरपंच यशवंत विठ्ठल गोताड यांचे, वयाच्या ७७ व्या शनिवार दि. १६ मार्च रोजी दुःखद निधन झाले. कै.यशवंत विठ्ठल गोताड यांनी देऊड गावचे सरपंचपद अतिशय निष्ठेने सांभाळले. १५ वर्षाच्या कार्यकाळात त्यांनी गावातील अनेक विकास कामे मार्गी लागली.
देऊडचे प्रसिद्ध नाट्य कलाकार अनिल गोताड यांचे ते वडील होत. कै.यशवंत गोताड यांना शैक्षणिक सामाजिक, सांस्कृतिक व राजकीय क्षेत्राची प्रचंड आवड होती. ते अत्यंत मनमिळावू ,सुस्वाभावी आणि परोपकारी व्यक्तिमत्व होते. त्यांनी अनेकांशी मैत्रीचे संबंध जोडले आणि अखेरपर्यंत टिकवले. त्यांच्या पश्चात पत्नी, मुलगे, मुली, सुना, नातवंडे, भाऊ असा मोठा परिवार आहे. कै. यशवंत विठ्ठल गोताड यांच्या निधनाबद्दल देऊड पंचक्रोशीतून दुःख व्यक्त होत आहे.
