(संगमेश्वर)
तालुका कुंभार समाज युवा आघाडीच्या वतीने कुंभार समाज मर्यादित तालुकास्तरीय गणपती मखर देखावा स्पर्धेचा निकाल जाहीर करण्यात आला. या स्पर्धेत पाटगाव कुंभारवाडी येथील गणेश दशरथ साळवी यांचा बेटी बचावो बेटी पढावो या देखाव्याने तालुक्यात प्रथम क्रमांक पटकावला आहे. सामाजिक संदेश देणारा हा देखावा तालुक्यात सर्वांचे आकर्षण ठरला आहे.
या स्पर्धेत दिनेश रवींद्र देवळेकर(देवळेकर ब्रदर्स) यांनी द्वितीय क्रमांक पटकावला तर श्रेयस संतोष गवंडी यांनी तृतीय क्रमांक पटकावला आहे तसेच प्रणाली (नेत्रा )सुभाष कुंभार माखजन यांनी चौथा क्रमांक पटकावला तर प्रकाश यशवंत मटकर यांनी पाचवा क्रमांक पटकावला. या स्पर्धेत तालुक्यातील 30 स्पर्धकांनी सहभाग घेतला होता.
युवा आघाडीच्या वतीने प्रत्यक्ष जाऊन सर्व देखाव्यांचे परीक्षण करण्यात आले. परीक्षण प्रमुख म्हणून मूर्तिकार मंदार साळवी यांनी काम पाहिले. स्पर्धा यशस्वी होण्यासाठी युवा आघाडी अध्यक्ष प्रथमेश साळवी, जिल्हा खजिनदार प्रतीक साळवी, तालुका कार्याध्यक्ष सचिन कोलतसकर, तालुका सचिव प्रणय कुंभार, तालुका खजिनदार गणेश साळवी यांनी विशेष मेहनत घेतली. स्पर्धेचा बक्षीस वितरण समारंभ लवकरच घेण्यात येईल असे युवा आघाडीच्या वतीने सांगण्यात आले आहे.
