( संगमेश्वर/ प्रतिनिधी )
तालुक्यातील ग्रुप ग्राम पंचायत कडवईची ग्राम सभा नुकतीच पार पडली.या ग्रामसभेत महेंद्र विठ्ठल जाधव यांची तंटामुक्ती अध्यक्षपदी निवड करण्यात आली.
महेंद्र जाधव हे मैत्री सामाजिक संस्थेचे अध्यक्ष असून या संस्थेच्या माध्यमातून विविध समाजोपयोगी उपक्रम राबविण्याचे काम ते करत असतात. कडवईमध्ये २००७ पासून ते मैत्री क्रीडा मंडळ चालवत असून या मंडळाच्या माध्यमातून अनेक कबड्डी खेळाडू घडविण्यात आले आहेत.
जाधव यांच्या निवडीबाबत कडवई पंचक्रोशीतून त्यांचे अभिनंदन होत आहे.मैत्री सामाजिक संस्थेचे सचिव मिलिंद कडवईकर यांनी संस्थेच्या वतीने त्यांचा यथोचित सत्कार केला.यावेळी मंडळाचे कार्यकर्ते भावेश कुवळेकर, सनी किंजलकर,हर्ष कुवळेकर,प्रसाद गुरव,सूरज येलोंडे उपस्थित होते.
