(गावखडी / वार्ताहर)
इस्लाम धर्मात अनन्यसाधारण महत्त्व असलेली ईद-ए- मिलाद जमातुल मुस्लिमीन दखनी मोहल्ला पावस तर्फे मोठ्या उत्साहात साजरी करण्यात येत असून मुस्लिम समाजामध्ये प्रचंड उत्साह आणि आनंदाचे वातावरण दिसून येत आहे. त्यानिमित्त सजावट, विद्युत रोषणाई, मिरवणूक, वेगवेगळे कार्यक्रमांचे आयोजन करण्यात आले आहे.
ईद – ए- मिलाद निमित्त जमातुल मुस्लिमीन दखनी मोहल्ला पावस च्या वतीने भव्य मिरवणूक हजरत शेख महंमद पीर दर्गा ते काझी मोहल्ला, दखनी मोहल्ल्यात फिरून जामा मस्जिद दखनी मोहल्ला मध्ये ईद-ए-मिलाद कार्यक्रम मोठ्या उत्साहात संपन्न झाला.
या दिवसाला आज मुस्लिम समाजात फार मोठे महत्त्व आहे. हा कार्यक्रम यशस्वी पार पाडण्यासाठी अध्यक्ष वसीम शौकत म्हालदार, रिजवान रोशनखान फडनाईक, दाऊद म्हामूद मुजावर, फैजल दाऊद झारी, ईकबाल अ. फडनाईक, आदींनी परिश्रम घेतले. तसेच सर्व शांततामय वातावरणात पार पडण्यास सहाय्यक पोलीस उपनिरीक्षक संदेश चव्हाण, अवधूत सुर्वे, हेड कॉन्स्टेबल प्रशांत पाटील, पोलीस कॉन्स्टेबल महेश किर आदि पोलीस अधिकारी उपस्थित होते.
फोटो: पावस येथे जमातुल मुस्लिमीन दखनी मोहल्ला तर्फे ईद-ए-मिलाद निमित्त भव्य मिरवणूक काढण्यात आली या मिरवणूक सर्व मुस्लीम बांधव सहभागी झाले होते.
(छाया – दिनेश पेटकर, गावखडी)
