(चिपळूण)
डेरवण येथे राज्यस्तरीय डेरवण युथ गेम सब ज्युनिअर कॅरम स्पर्धा आयोजित करण्यात आली होती. सदर स्पर्धेमध्ये अनेक खेळाडूंनी सहभाग नोंदविला होता. यास्पर्धेत देवरूख चा व पी. एस.बने इंटर नॅशनल स्कूल साडवली येथे आठवी मध्येशिक्षण घेत असलेला द्रोण हजारे यांनी प्रति वर्षाप्रमाणे दुहेरी कॅरम स्पर्धेत आयुष गरुड याला जोडीला घेऊन निल म्हात्रे व ओंकार वडर या जोडीचा 25-02,17-19,25-02 असा पराभव करून सुवर्ण पदक जिंकले.
सुभाषजी बने, रोहनजी बने, प्राचार्य कुलगंडन, कुंभार सर, कांबळे सर यांचे त्याला मोलाचे मार्गदर्शन लाभले. त्याचे वडील मोहन हजारे एक कॅरमपटू होते त्यांनी अनेक स्पर्धा जिंकल्या असून आपल्या मुलाची कॅरम मध्ये मेहनत घेत आहेत. राज्यस्तरीय डेरवण युथ गेम कॅरम स्पर्धेत द्रोण हजारे याला दुहेरी कॅरम स्पर्धेत सुवर्ण पदक पटकावल्याने द्रोण वर सर्वत्र अभिनंदनाचा वर्षाव होत आहे.
