(जाकादेवी / वार्ताहर)
रत्नागिरी तालुक्यातील डुगेश्वर माघी गणेशोत्सव मंडळ देवूड डुगीवाडी येथे डुगेश्वर गणेश उत्सव मंडळ आयोजित गणेश जन्मोत्सव सोहळा कार्यक्रम शनिवार दि.१ ते ३ फेब्रुवारी अशा तीन दिवसीय कालावधीत विविध धार्मिक व सांस्कृतिक कार्यक्रमांनी उत्साहात साजरा करण्यात येणार आहे. मंडळाचे अध्यक्ष श्री. सुरेश तु. घाणेकर , सचिव श्री. रविंद्र पां. घाणेकर खजिनदार श्री. धाकू ल. घाणेकर यांनी या तीन दिवसीय कालावधीत कार्यक्रमाचे अतिशय नेटके नियोजन केले असून कार्यक्रमासाठी प्रमुख पाहुणे म्हणून महाराष्ट्र राज्य उद्योग मंत्री व रत्नागिरी जिल्हा पालकमंत्री मा.ना. उदय सामंत उपस्थित राहणार आहेत.
यावेळी माजी जिल्हा परिषद अध्यक्ष मा. श्री. उदय बने व पंचायत समिती सदस्य श्री. अभय खेडेकर , देऊड सरपंच मा. श्री. संजय देसाई, उपसरपंच श्री. संदिप घाणेकर, पोलीस पाटील श्री. संदेश घाणेकर, तंटामुक्त अध्यक्ष श्री. अनिल गोताड, श्री. आप्पा घाणेकर, श्री. मिलिंद देसाई, श्री. पी.टी. कांबळे, श्री. बंटी सावंत, व ग्रामपंचायत सदस्या सौ. अवंतिका घाणेकर यांच्या प्रमुख उपस्थितीत कार्यक्रम संपन्न होणार आहे.
शनिवार दि. १ फेब्रुवारी रोजी सकाळी ८.०० वा. गणेश जन्म, दुपारी १२.०० ते ४.०० वा. महाप्रसाद, सायं. ४.०० ते ६.०० चित्रकला स्पर्धा, सायं. ७.०० वा. आरत्या भोवत्या, रात्रौ ९.०० वा. श्री. विठ्ठल रखुमाई भजन मंडळ चवे वाघोली यांचे सुस्वर भजन, रात्रौ १०.०० वा. श्री. हनुमान भजन मंडळ देवूड यांचे सुस्वर भजन संपन्न होणार आहे.
रविवार दि. २ फेब्रुवारी रोजी सकाळी १०.०० वा. सत्यनारायणाची महापूजा, दुपारी ३.०० वा. हळदीकुंकू समारंभ, सायं. ७.०० वा. आरत्या भोवत्या रात्रौ ९.३० वा. श्री सोनारवाडी भजन मंडळ देवूड यांचे तर रात्रौ १०.०० वा. श्री डुगेश्वर गणेश भजन मंडळाचे सुस्वर भजन.
सोमवार वार दिनांक ३ फेब्रुवारी रोजी सायं. ७.०० वा. आरत्या भोवत्या, रात्रौ ८.०० ते ९.०० वा. उपस्थित मान्यवरांचा स्वागत समारंभ, रात्रौ १०.३० वा. श्री. डुगेश्वर मंडळाचे स्त्री पात्राने नटलेले बहुरंगी नमन श्री. दिलिप खापरे व योगेश घाणेकर लिखित व दिग्दर्शित कलाकृती “कोकणचे खेळे” कार्यक्रम आयोजित करण्यात आला आहे. कार्यक्रमाच्या यशस्वीतेसाठी श्री डुगेश्वर उत्सव मंडळाचे सर्व पदाधिकारी, तरूण, महिला, बालमित्र मंडळी विशेष सहकार्य करीत आहेत.
