( लांजा )
कोकण रेल्वे मार्गावर लांजा तालुक्यातील वेरवली बुद्रुक बेर्डेवाडी येथील बोगद्याजवळ एका अनोळखी पुरुषाच्या व्यक्तीचा मृतदेह दि. २९ फेब्रुवारी रोजी दुपारी अडीच वाजता आढळून आला आहे.
कोकण रेल्वे मार्गावर गुरुवारी २९ फेब्रुवारी रोजी दुपारी २.३० वाजण्याच्या सुमारास वेरवली बुद्रुक बेर्डेवाडी बोगद्यातून मांडवी एक्सप्रेस मुंबईकडे निघून गेल्यानंतर आडवली रेल्वे स्थानकातील ट्रॅकमन प्रदीप जाधव हे रेल्वे रुळावरून पेट्रोलिंग करत असताना त्यांना हा मृतदेह दिसला. त्यांनी या बाबत वेरवली पोलिस पाटलांना माहिती दिल्यानंतर त्यांनी लांजा पोलिसांना कळविले.
त्यानंतर लांजा पोलिसांनी घटनास्थळी भेट देऊन पंचनामा केला. हा मृतदेह सुमारे ४० वर्षाच्या पुरुषाचा असून त्याची ओळख पटलेली नाही. हा मृतदेह छिन्नविच्छिन्न अवस्थेत असून रेल्वे गाडीच्या धडकेने त्याचा मृत्यू झाल्याचा अंदाज पोलिसांनी आहे.
