(जाकादेवी / वार्ताहर)
रत्नागिरी तालुक्यातील जि.प केंद्रीय शाळा ओरी नं. १ या केंद्र शाळेत पाककला स्पर्धेचे विशेष आयोजन करण्यात आले होते. या स्पर्धेमध्ये अनेक पालकांनी सहभाग घेतला होता.
या स्पर्धेचे परीक्षण करण्यासाठी ओरी गावच्या प्रथम नागरिक सरपंच सौ. देसाई, बालविकास विस्तार अधिकारी श्रीम. इंगोले, अंगणवाडीच्या पर्यवेक्षिका सौ.पावसकर यांनी परीक्षक म्हणून काम पाहिले. या स्पर्धेत महिला पालक वर्गांनी खूप चविष्ट व रूचकर पदार्थांची मांडणी केली होती .या स्पर्धेतून ३ क्रमांक काढण्यात आले. यातून प्रथम क्रमांक प्रमिला देसाई, द्वितीय क्रमांक स्वाती रामाणे तर तृतीय क्रमांक सौ. मुग्धा देसाई यांनी मिळविला.
या प्रसंगी शाळा व्यवस्थापन समितीचे धडाडीचे अध्यक्ष श्री.संकेत देसाई, शिक्षक पालक संघांचे अध्यक्ष श्री. वसंत जाधव, मुख्याध्यापक धनंजय आंबवकर, पदवीधर शिक्षिका सौ. समिक्षा पवार, उपशिक्षक रामदास चव्हाण, गणपती पडूळे तसेच सर्व पालक उपस्थित होते. विजेत्या महिला पालक स्पर्धेकांचे खास अभिनंदन करण्यात आले. सहभागी स्पर्धकांना शाळेतर्फे धन्यवाद देण्यात आले.
