(जाकादेवी / वार्ताहर)
रत्नागिरी तालुक्यातील मालगुंड शिक्षण संस्थेच्या तात्यासाहेब मुळ्ये माध्यमिक विद्यालय व बाबाराम पर्शराम कनिष्ठ महाविद्यालयात माध्यमिक स्तरावर पंचायत समिती शिक्षण विभाग रत्नागिरी यांच्यावतीने घेण्यात आलेल्या महासंस्कृती महोत्सव चित्रकला तालुकास्तरीय स्पर्धेमध्ये कु.पवन संजय गोनबरे याने प्रथम क्रमांक तर संकेत गणेश धामणे याने द्वितीय क्रमांक पटकावला आहे.
या तालुकास्तरीय स्पर्धेमध्ये जाकादेवी विद्यालयातील अनेक विद्यार्थी उत्स्फूर्तपणे सहभागी झाले होते. या विद्यार्थ्यांना प्रशालेचे उपक्रमशील कलाध्यापक श्री. प्रणित जाधव यांनी अतिशय मोलाचे मार्गदर्शन केले, तर विद्यालयाचे मुख्याध्यापक श्री.नितीन मोरे, पर्यवेक्षक श्री.शाम महाकाळ यांनी विद्यार्थ्यांना प्रेरणा दिली. या स्पर्धेमध्ये विद्यार्थ्यांनी उत्स्फूर्तपणे सहभाग दर्शवला. प्राविण्य प्राप्त विद्यार्थी व सहभागी विद्यार्थ्यांचे प्रशालेचे मुख्याध्यापक, पर्यवेक्षक तसेच शिक्षण संस्थेचे पदाधिकारी यांनी विद्यार्थ्यांचे व मार्गदर्शक शिक्षकांचे कौतुक करून खास अभिनंदन केले. या चित्रकला स्पर्धेत तसेच निबंध स्पर्धेतही या शाळेचे बहुसंख्येने विद्यार्थी सहभागी झाले होते.
