(रत्नागिरी)
शहरातील मांडवी समुद्रकिनारी सोमवारी सकाळी ८ वाजण्याच्या सुमारास अज्ञाताचा मृतदेह आढळला. याबाबत शहर पोलिस स्थानकात आकस्मिक मृत्यूची नोंद करण्यात आली आहे.
सोमवारी सकाळी मांडवी येथील नागरिकांना तेथील समुद्रकिनारी एका अज्ञाताचा मृतदेह दिसला. त्यांनी याबाबत शहर पोलिस स्थानकात माहिती दिली. त्यानंतर शहर पोलिसांनी तातडीने घटनास्थळी धाव घेत मृतदेहाचा पंचनामा करुन उत्तरीय तपासणीसाठी जिल्हा शासकीय रुग्णालयात पाठवला. मृतदेहाची ओळख पटलेली नसून त्याच्या अंगावर चॉकलेटी रंगाची हाफ पॅन्ट आहे. याप्रकरणी अधिक तपास शहर पोलिस करत आहेत. त्याची ओळख पटवण्यासंदर्भात पोलिसांनी आवाहन केले आहे
