(मुंबई)
बीसीसीआयने नुकताच Asia Cup 2023 साठी भारताचा संघ जाहीर केला आहे. यामध्ये आयपीएल 2023 मध्ये चमकदार कामगिरी करणाऱ्या खेळाडूंना संघात स्थान देण्यात आले आहे. या आयपीएलमध्ये (IPL) रियान पराग, प्रभसिमरन सिंग, साई सुदर्शन, राजवर्धन हंगरगेकरसारख्या युवा खेळाडूंनी दमदार कामगिरी केली होती. त्यांना त्यांचे फळ मिळाले आहे.
भारताचा उदयोन्मुख संघ Asia Cup 2023 या स्पर्धेत सहभागी होणार आहे, ही स्पर्धा 13 ते 23 जुलै दरम्यान श्रीलंकेतील कोलंबो या ठिकाणी पार पडणार आहे. या स्पर्धेसाठी बीसीसीआयच्या निवड समितीने ‘भारत अ ‘संघाची निवड केली आहे. ही स्पर्धा दोन गटांमध्ये पार पडणार आहे. आठ आशियाई राष्ट्रांमध्ये खेळवली जाणारी ही स्पर्धा ५० षटकांच्या फॉरमॅटमध्ये होणार आहे. एका गटात भारत, नेपाळ, यूएई आणि पाकिस्तान या संघांचा समावेश आहे. तर दुसऱ्या गटात श्रीलंका, बांगलादेश, अफगाणिस्तान आणि ओमान यांचा समावेश आहे.
भारताचा हा संघ ‘ब’ गटामध्ये आहे, या गटामध्ये नेपाळ, यूएई आणि पाकिस्तान या संघांचा समावेश आहे. तर अन्य एका गटात श्रीलंका, बांगलादेश, अफगाणिस्तान आणि ओमान यांचा समावेश आहे. प्रत्येक गटातील शीर्ष दोन संघ उपांत्य फेरीत जातील. पहिला उपांत्य सामना अ गटातील अव्वल संघ विरुद्ध ब गटातील द्वितीय स्थानावरील संघ यांच्यात होणार आहे, तर दुसरा उपांत्य सामना २१ जुलै रोजी गट ब मधील अव्वल खेळाडू आणि गट अ मधील दुसऱ्या स्थानावरील संघ यांच्यात होईल. या स्पर्धेची अंतिम फेरी २३ जुलै रोजी होणार आहे.
साई सुदर्शन, अभिषेक शर्मा (उपकर्णधार), निकिन जोस, प्रदोष रंजन पॉल, यश धुल (कर्णधार), रियान पराग, निशांत सिंधू, प्रभसिमरन सिंग (यष्टीरक्षक), ध्रुव जुरेल (यष्टीरक्षक), मानव सुथार, युवराजसिंह डोडिया, हर्षित राणा, आकाश सिंग, नितीशकुमार रेड्डी, राजवर्धन हंगरगेकर.
राखीव खेळाडूंची यादी: हर्ष दुबे, नेहल वढेरा, स्नेल पटेल, मोहित रेडकर.
कोचिंग स्टाफ: सितांशु कोटक (मुख्य प्रशिक्षक), साईराज बहुतुले (गोलंदाजी प्रशिक्षक), मुनीष बाली (फिल्डिंग प्रशिक्षक).
