तालुकास्तरीय वक्तृत्व स्पर्धेत आर्या नांदीवडेकर प्रथम

( संगमेश्वर /प्रतिनिधी )

सिनिअर सिटीझन मुव्हमेंट चिपळूणच्या वतीने अंमली पदार्थ विरोधी दिनानिमित्त घेण्यात आलेल्या तालुकास्तरीय वक्तृत्व स्पर्धेमध्ये माध्यमिक गटातून कु आर्या वृषाली रामचंद्र नांदीवडेकर हिने प्रथम क्रमांक प्राप्त केला आहे.

‘व्यसनमुक्ती माझी जबाबदारी’ या विषयावर बोलताना आर्या हिने उपस्थिताना मंत्रमुग्ध केले, व आपले परखड विचार काव्यशैलीतून सादर केले.प्रत्येकाने स्वतःची काळजी घेतल्यास व्यसनमुक्ती कशी दूर होऊ शकते, हे ओघवत्या शैलीत पटवून दिले.

आर्या नांदीवडेकर हिने इयत्ता 1 ली पासून अनेक वेळा तालुकास्तर, जिल्हास्तरावरील वक्तृत्व स्पर्धेमध्ये यश संपादन केले आहे.तिच्या या यशाबद्दल विविध स्तरातून तिचे कौतुक करण्यात येत आहे. यासाठी अमेय क्लासेस सावर्डेचे विशेष मार्गदर्शन लाभले.