( संगमेश्वर / प्रतिनिधी )
फाटक हायस्कूल रत्नागिरीच्या१९७० बॅचच्या माजी विद्यार्थीनी निवृत्त शिक्षिका श्रीमती सुधा पेडणेकर यांचेकडून चित्रकलेतील प्राविण्याबद्दल शाळेतील दोन विद्यार्थ्यांना शिष्यवृत्ती देण्यात येते. २०२४-२५ या शैक्षणिक वर्षातील ही शिष्यवृत्ती रुद्र राजेश झाडगावकर-८ब रू. ५०००/-, वरद प्रशांत मेस्त्री- ८ब रू. ५०००/- या दोन विद्यार्थ्यांना देण्यात आली.
श्रीमती सुधा पेडणेकर यांचे वडील कै.रामचंद्र पेडणेकर आणि काका कै. शामराव पेडणेकर हे दोघेही फाटक हायस्कूलचे माजी विद्यार्थी यांच्या स्मरणार्थ प्रतिवर्षी दोन विद्यार्थ्यांना ही शिष्यवृत्ती देण्यात येते.यावर्षीची ही शिष्यवृत्ती या दोन विद्यार्थ्यांना मिळाल्याबद्दल संस्थेचे अध्यक्ष ॲड. बाबासाहेब परुळेकर, कार्याध्यक्षा ॲड. सौ. सुमिता भावे, सीईओ सौ. बोपर्डीकर तसेच शाळेचे मुख्याध्यापक कीर , उपमुख्याध्यापक जोशी, पर्यवेक्षिका सौ. शेट्ये तसेच संस्थेचे सचिव व शाळेचे कलाशिक्षक दिलीप भातडे , कलाशिक्षक, निलेश पावसकर, शाळेचे शिक्षक व शिक्षकेतर कर्मचारी यांनी दोन्ही विद्यार्थ्यांचे अभिनंदन केले. तसेच श्रीमती सुधा पेडणेकर यांचे आभार मानले.
