(कळझोंडी / किशोर पवार)
रत्नागिरी तालुक्यातील माध्यमिक विद्यालय वरवडे भाग शाळा वाटद खंडाळा व श्रीमती पार्वती शंकर बापट कनिष्ठ महाविद्यालयाच्या मुख्याध्यापकपदी प्रशाला व कनिष्ठ महाविद्यालयातील ज्येष्ठ शिक्षक शिवाजी जगताप यांची नियुक्ती करण्यात आली आहे.
मुख्याध्यापक डी.डी.पोतदार हे ३१ जुलै रोजी नियत वयोमानानुसार सेवा निवृत्त झाले.त्यांच्या रिक्त झालेल्या जागेवर पर्यवेक्षक पदावर कार्यरत असलेले श्री.जगताप यांची जेष्ठतेनुसार मुख्याध्यापकपदी शिक्षण संस्थेने नियुक्ती केली आहे.
प्राध्यापक श्री.जगताप हे श्रीमती पार्वती शंकर बापट कनिष्ठ महाविद्यालयात १९९५ साली भौतिक शास्त्र विषयाचे प्राध्यापक म्हणून रुजू झाले. गेली २९ वर्षे प्राध्यापक व १ वर्ष पर्यवेक्षक म्हणून त्यांनी उत्तम कामगिरी बजावली आहे. १ ऑगस्टपासून श्री. जगताप यांची मुख्याध्यापकपदी नियुक्ती झाल्याने त्यांचे शिक्षण संस्था,शिक्षक, शिक्षकेत्तर कर्मचारी, पालक ग्रामस्थ यांनी अभिनंदन केले आहे..
