शाळेत जाण्यासाठी आईने वेळेवर उठवले नाही याचा राग येऊन मुलीने केली गळफास घेऊन आत्महत्या

(संगमेश्वर / मकरंद सुर्वे)

आईने वेळेवर शाळेत जाण्यासाठी उठवले नाही याचा राग येऊन आठवी इयत्तेमध्ये शिकणाऱ्या कसबा भेंडी येथील शाळकरी विद्यार्थिनीने आत्महत्या केल्याने हळहळ व्यक्त होत आहे.मृण्मयी गजेंद्र देशमुख वय 13 वर्षे असे आत्महत्या केलेल्या मुलीचे नाव आहे

गेल्या दोन वर्षापासून तालुक्यात आत्महत्येचे प्रमाण वाढले आहे. काही दिवसापूर्वीच संगमेश्वर तालुक्यातील येथील एक युवकाने नैराश्यातून आत्महत्या केल्यानंतर आता संगमेश्वर जवळच्या कसबा येथील आठवी इयत्ता मध्ये शिकणाऱ्या विद्यार्थिनीने आत्महत्या केल्याने खळबळ उडाली आहे. या घटनेची माहिती मिळाल्यानंतर संगमेश्वर पोलीस ठाण्याचे पोलीस उपनिरीक्षक प्रशांत शिंदे , पोलीस कॉन्स्टेबल सचिन कामेरकर, यांनी घटनास्थळी जाऊन पंचनामा केला सदर घटनेची माहिती मिळाल्यानंतर पोलिस उपविभागीय अधिकारी शिवकुमार पारवे यांनी घटनास्थळी भेट दिली