(देवरूख)
येथील तेली वाडी येथील अक्षय व्हालकर याने पंजाब लुधियाना येथे झालेल्या 37वी आंतर युनिव्हर्सिटी राष्ट्रीय युथ फेस्टिवल मध्ये सुवर्ण पदक पटकावले आहे. तसेच कॉलेज मध्ये रांगोळी स्पर्धेत सुवर्ण पदक, इंस्टालेशन मध्ये ब्राँझ पदक तर कल्चरल प्रोसेशनमध्येही सुवर्ण पदक पटकावले आहे. छ.शिवाजी महाराज चौक देवरूख येथील स्वस्तिक कोल्ड्रिंक्सचे मालक श्री शिवाजी व्हालकर यांचा अक्षय मुलगा आहे. त्यांची परिस्थिती हालाखीची असतानाही आपल्या मुलांचे शिक्षण करीत असून त्यांचा मुलगाही आपल्या कलेवर मेहनत घेत आहे. अशा अनेक स्पर्धेत सहभाग घेऊन बक्षिसे मिळवली आहेत. त्याचे या यशाबद्दल सर्वत्र अभिनंदन होत आहे. मयूर स्पोर्ट्स अकॅडमी देवरूख चे वतीने देखील त्याचे अभिनंदन करण्यात येऊन त्याला पुढील वाटचालीला शुभेच्छा देण्यात आल्या.
