(रत्नागिरी)
रत्नागिरी तालुक्यातील मजगांव येथील इब्जी कुटुंबातील डाॅक्टर अब्दुल्ला अब्दुल मजीद इब्जी यांनी एम्. बी. बी. एस्. बेळगांव कर्नाटक येथून केल्यानंतर संभाजी नगर महाराष्ट्र येथून एम्. डी. ची पदवी प्राप्त केली आहे. मजगांव येथील पहिलेच एम्. डी. डाॅक्टर होण्याचा मान त्यांनी मिळवला आहे. त्यांच्या या उत्तुंग यशामुळे मजगांव चे सरपंच फय्याज मुकादम, उप सरपंच शरीफ इब्जी, फरीदा हकीम, अब्दुल वहाब हकीम, एजाज इब्जी, दाऊद हमदुले, अकील हमदुले, रियाज हमदुले, तसेच सर्व कुटुंबिय, मित्रमंडळी तसेच ग्रामस्थांनी त्यांचे कौतुक करून शुभेच्छा दिल्या आहेत.
डाॅक्टर अब्दुल्ला इब्जी यांनी सर्वांच्या शुभेच्छा स्वीकारुन आपण रुग्णांची प्रामाणिकपणे व मनोभावे सेवा करु, अशी ग्वाही यावेळी दिली.
