(संगमेश्वर/प्रतिनिधी)
इंडिया बुक ऑफ रेकॉर्ड मध्ये नोंद झालेला कोळंबे येथील अक्षय पडवळचा कमळजाबाई पांडुरंग मुळ्ये हायस्कूल कोळंबे व संगमेश्वर व्यापारी संघातर्फे नुकताच सत्कार करण्यात आला.
अक्षय हा एस के पी एम हायस्कूलचा माजी विद्यार्थी आहे. त्याने आपल्या शाळेचे नाव उज्ज्वल केल्याबद्दल येथील शिक्षकांनी या सत्काराचे आयोजन केले होते. या कार्यक्रमाला कोळंबे हायस्कूलचे अध्यक्ष नयन मुळ्ये, सचिव दिलीप मुळ्ये, मुख्याध्यापक संजय मुळ्ये, सर्व शिक्षक व शिक्षकेतर कर्मचारी विद्यार्थी वर्ग यावेळी उपस्थित होते. शिक्षक व शिक्षकेतर कर्मचारी संस्था यांच्यातर्फे आर्थिक मदतही करण्यात आली.
दरम्यान यावेळी संगमेश्वर व्यापारी संघानेही अक्षयच्या उत्कृष्ट कामगिरीची दखल घेत याठिकाणी सत्कार करण्याचे ठरवले. या सत्कार समारंभ प्रसंगी व्यापारी संघटनेचे अध्यक्ष बापू भिंगार्डे, सचिव अनिल भिडे, रिंकू कोळवणकर, गद्रे उपस्थित होते. त्यांनी अक्षयचा सत्कार करत पुढील करियर साठी शुभेच्छा व्यक्त केल्या. तसेच त्याला सढळ हस्ते आर्थिक मदत केली.
