(गुहागर)
कलर्स मराठीवर नुकत्याच सुरु झालेल्या ‘भाग्य दिले तू मला‘ या मालिकेमध्ये गुहागरची तन्वी मुंडले प्रमुख भूमिका साकारत आहे. या मालिकेचे शूटींग हे गुहागरमध्येच झाले आहे. तन्वी ही गुहागरमध्ये लहानाची मोठी झाली आहे. ‘भाग्य दिले तू मला‘ या मालिकेत ती कावेरीची भूमिका निभावत आहे.
या मालिकेतील कथानकात कावेरीचे तिच्या घरावर, ज्या शाळेत ती शिक्षिका आहे त्या शाळेवरही खूप प्रेम आहे. तसेच त्या शाळेवर मुळातच चालीरिती, निसर्ग, भाषा आणि आपली माणसं यांच्यावर तिचं जिवापाड प्रेम आहे.
कावेरी आणि राजवर्धनची जोडी प्रेक्षकांनाही खूपच आवडत आहे. राजवर्धनची भूमिका विवेक सांगळे साकारत आहेत. गुहागर येथील शुटींग दरम्यान तन्वी म्हणते, मी स्वतः कोकणची असून देखील मी पहिल्यांदाच या ठिकाणी कामासाठी आलेय. प्रत्येक गोष्ट खूप सुंदर आहे. चित्रीकरण करताना खूप मजा आली. समुद्र असो किंवा पायवाट असो, सगळं हिरवगार… सगळं खूप समृध्द आहे. या मालिकेत साडी नेसून सायकल चालवतानाचा अनुभव हा खूपच वेगळा आहे. यातून बरचं काही शिकता आलं, असं ती यावेळीम्हणाली.
