खेर्डी चिंचघरी सती विद्यालयाचे वकृत्व स्पर्धेत यश

(चिपळूण)

1 ऑगस्ट लोकमान्य टिळक पुण्यतिथी,व लोकशाहीर आण्णाभाऊ साठे जयंतीनिमित्त लोकमान्य टिळक स्मारक वाचन मंदिर चिपळूण आयोजित वक्तृत्व स्पर्धेमध्ये न्यू इंग्लिश स्कूल व ज्युनि कॉलेज खेर्डी चिंचघरी सती विदयालयातील विदयार्थ्यांनी यश संपादन केले. सदर स्पर्धेत तालुक्यातून 43 विद्यार्थ्यांनी सहभाग घेतला होता. या स्पर्धेत प्राथमिक गटात कु.वेदांत महाडिक तृतीय क्रमांक माध्यमिक गटात कु.मृण्मयी प्रसाद जोग तृतीय क्रमांक व उच्च माध्यमिक गटात कु. अथर्वी अजित चव्हाण तृतीय क्रमाक प्राप्त केला. या सर्व विद्यार्थ्यांना श्रीम.पल्लवी शिंदे,सौ.शर्मिला जाधव,सौ. अंजली दाभोळकर,श्री.पुष्कर कानिटकर यांनी मार्गदर्शन केले.

या यशाबद्दल सह्याद्री शिक्षण संस्थेचे कार्याध्यक्ष, आमदार श्री. शेखरजी निकम, संस्थेचे अध्यक्ष श्री.बाबासाहेब भुवड, संस्थेचे सेक्रेटरी श्री.महेश महाडिक, संस्थेचे जेष्ठ संचालक श्री.शांताराम खानविलकर, संस्थेचे सर्व पदाधिकारी, विद्यालयाचे मुख्याध्यापक श्री.संजय वरेकर, उपमुख्याध्यापक श्री.विश्वास दाभोळकर, पर्यवेक्षक श्री.पांडुरंग पाटील, पर्यवेक्षिका सौ.आसावरी राजेशिर्के, सर्व शिक्षक, शिक्षकेत्तर कर्मचारी, यांच्यावतीने अभिनंदन करण्यात आले.