(रत्नागिरी)
आज पहाटे 10 जुलै 24 रोजी कोकण रेल्वेच्या पेडणे बोगाद्यामध्ये पुन्हा पाणी भरल्याने येथील वाहतूक पुन्हा बंद करण्यात आली आहे. यामुळे मुंबई तून रवाना होणाऱ्या काही ट्रेन्स रद्द करण्यात आल्या आहेत तर काही ट्रेन्स चे मार्ग बदलण्यात येत आहेत, असे कोकण रेल्वेचे जनसंपर्क अधिकारी सचिन देसाई यांनी कळविले आहे. अधिक माहितीसाठी संपर्क क्रमांक (bsnl) 0832-2706480
महाराष्ट्रातील मडुरे ते गोव्यातील पेडणे स्थानकादरम्यान असलेल्या पेरनेम (पेडणे) बोगद्यात काल सायंकाळी अतिवृष्टीमुळे चिखल-पाणी रुळांवर आले होते. यामुळे कोकण रेल्वेवरील अप आणि डाऊन मार्गावरील वाहतूक सायंकाळी पाच वाजल्यापासून थांबवण्यात आली होती. रेल्वे कर्मचाऱ्यांकडून रुळांवरील चिखल बाजूला करण्याचे काम सुरू करण्यात आले होते. मात्र अतिवृष्टीमुळे यात अडचणी येत आहेत. दरम्यान रेल्वे वाहतूक ठप्प असल्याने चार एक्स्प्रेस विविध स्थानकात रोखून धरण्यात आल्या होत्या. रात्री रूळावरील पाणी आणि चिखल बाजूला करण्यात आल्यानंतर कोकण रेल्वेची वाहतुक सुरू करण्यात आली होती.
आज बुधवारी पहाटे पेडणे बोगद्यात पुन्हा पाणी भरल्याने कोकण रेल्वेची वाहतुक थांबवण्यात आली आहे. यामुळे कोकण रेल्वे मार्गावरून धावणाऱ्या वंदे भारत एक्स्प्रेस, जनशताब्दी एक्स्प्रेस, मांडवी एक्स्प्रेस, सावंतवाडी पँसेंजर, मंगळुरू एक्स्प्रेस, दिवा एक्स्प्रेस या गाड्या रद्द करण्यात आल्या आहेत. तर मंगला एक्स्प्रेसचा मार्ग बदलून तो पनवेल-लोणावळा-पुणे-मिरज-लोंडा-मिरज असा करण्यात आला आहे. अशी माहिती कोकण रेल्वे प्रशासनाकडून देण्यात आली आहे.
नोटिफिकेशन:
