(जाकादेवी / वार्ताहर)
रत्नागिरी तालुक्यातील मालगुंड एज्युकेशन सोसायटीच्या जाकादेवी येथील तात्यासाहेब मुळ्ये माध्यमिक विद्यालयातील पूर्व माध्यमिक शिष्यवृत्ती परीक्षेत ३ विद्यार्थी गुणवत्ता यादीत आले आहेत. यामध्ये आराध्य हेमंत उरूणकर तालुक्यात २ रा तर जिल्ह्यात २८ वा आला आहे चिंतन दिगंबर घवाळी तालुक्यात १० वा, तर जिल्ह्यात ७७ वा आला आहे. सोहम माधव बोरकर तालुक्यात १७ वा तर जिल्ह्यात ११० वा आला आहे.
या गुणवंत विद्यार्थ्यांना शाळेतील ज्येष्ठ शिक्षक श्री. केशव राठोड, सौ.सायली राजवाडकर, सौ.प्राची पवार,श्री. मंदार रसाळ यांनी बहुमोल मार्गदर्शन केले. गुणवत्ता प्राप्त विद्यार्थी व मार्गदर्शन शिक्षक, प्रशालेचे पर्यवेक्षक, मुख्याध्यापक, यांचे मालगुंड शिक्षण संस्थेचे धडाडीचे चेअरमन सुनिल उर्फ बंधू मयेकर, संस्थेचे पदाधिकारी, संचालक यांनी अभिनंदन केले आहे.
