(लांजा)
घरी जाण्यासाठी रिक्षाची वाट पाहणाऱ्या 70 वर्षीय वृद्ध महिलेला दुचाकीस्वाराने धडक दिल्याने तिचा पाय तुटल्याची घटना आज रविवार सकाळी 8 वाजण्याच्या सुमारास घडली. तर दुचाकीवर एक महिला गंभीर जखमी झाली आहे.
लांजा-साटवली मार्गावर शहरातील भटवाडी जि प शाळेच्या जवळ रिक्षाने जाण्यासाठी वृध्दा रस्त्यावर उभी होती. याचदरम्यान लांजाहुन साटवलीच्या दिशेने जाणाऱ्या रिक्षाला तिने थांबवले. त्यावेळी रस्ता ओलांडताना लांजाहुन साटवलीच्या दिशेने जाणाऱ्या भरधाव दुचाकीची तिला धडक बसली. या धडकेत ही महिला रस्त्यावर जोरदार आदळून उजवा पाय दुचाकीच्या पुढील चाकामध्ये अडकला. यामध्ये तिचा उजवा पाय तुटला. तर मोटारसायकलच्या पाठीमागे बसलेली एक महिला रस्त्यावर आदळल्याने तिच्याही डोक्याला जबर मार बसला. यामध्ये तीही बेशुद्ध पडली.
जखमींना लांजा ग्रामीण रुग्णालयात दाखल केले. अधिक उपचारासाठी वयोवृद्ध महिलेला जिल्हा रुग्णालयात पाठविण्यात आले आहे.
