(गणपतीपुळे / वैभव पवार)
रत्नागिरी तालुक्यातील श्री क्षेत्र गणपतीपुळे येथील प्रसाद साहित्य व्यावसायिक सागर कृष्णा पालकर यांचे वयाच्या 32 व्या वर्षी अल्पशा आजाराने कोल्हापूर येथे बुधवारी सकाळच्या सुमारास दुख:द निधन झाले. गणपतीपुळे येथे गणपती मंदिरानजीक त्यांचे गेल्या कित्येक वर्षांपासून प्रसाद साहित्य दुकान आहे. या ठिकाणी एक प्रसिद्ध व्यावसायिक म्हणून ते ओळखले जात होते. तसेच एक उत्कृष्ट कबड्डीपटू व क्रिकेट खेळाडू आणि उत्तम बेंजो वादक म्हणून सागर पालकर यांची ओळख होती. त्याच्या पश्चात पत्नी, आई, भाऊ, भावजय असा परिवार आहे.
त्यांच्या आकस्मिक निधनाची बातमी समजताच बुधवारी गणपतीपुळे मंदिरानजीकची संपूर्ण प्रसाद साहित्य दुकाने बंद ठेवून त्यांना श्रद्धांजली वाहण्यात आली तसेच संपूर्ण गणपतीपुळे परिसरातील त्यांच्या मित्रपरिवार व विविध व्यावसायिक संस्था, संघटनांकडून त्यांना भावपूर्ण श्रद्धांजली अर्पण करण्यात आली असून तरूण वयातील त्यांच्या आकस्मिक निधनाने सर्वत्र हळहळ व्यक्त करण्यात येत आहे.
