(गणपतीपुळे/ वैभव पवार)
बौद्धजन पंचायत समिती तालुका शाखा रत्नागिरी, भारतीय बौद्ध महासभा रत्नागिरी ( मीराताई आंबेडकर प्रणित )आणि दि बुद्धिस्ट सोसायटी ऑफ इंडिया (मोकळे गट प्रणित यांच्या संयुक्त विद्यमाने विश्वरत्न, महामानव डॉ. बाबासाहेब आंबेडकर १३३व्या जयंतीनिमित्त रविवार दिनांक ७ एप्रिल 2024 रोजी बुद्ध- भीम गीतांचा दीपस्तंभ वाद्यवृंद हा प्रबोधनपर कार्यक्रम सादर करण्यात येणार आहे. हा कार्यक्रम रत्नागिरी शहरातील सावरकर नाट्यगृहात रविवारी 7 एप्रिल रोजी दुपारी १२ ते ४ या वेळेत होणार आहे .
या कार्यक्रमात खास स्पेशल सेलिब्रेटी म्हणून गायक प्रवीण डोणे, सुप्रसिद्ध गायक गौरव पगारे, प्रसिद्ध अभिनेत्री व गायिका कोमल धांडे, सुप्रसिद्ध गायक विनोद विद्यासागर, आदी खास आकर्षण ठरणार आहेत. मुंबई येथील हर्षद अरुण कांबळे निर्मित व दिग्दर्शित असा हा कार्यक्रम ७ एप्रिल रोजी दुपारी बारा ते चार या वेळेत सावरकर नाट्यगृहात रंगणार आहे. या कार्यक्रमात सुप्रसिद्ध गायकांच्या आवाजातील विविधांगी गीतांची खास मेजवानी आंबेडकरी अनुयायांना अनुभवता येणार आहे. हा कार्यक्रम पाहण्यासाठी सर्वांनी मोठ्या संख्येने उपस्थित राहावे असे आवाहन बौद्धजन पंचायत समिती तालुका शाखा रत्नागिरी भारतीय बौद्ध महासभा रत्नागिरी आणि दी बुद्धिस्ट सोसायटी ऑफ इंडिया रत्नागिरी या तिन्ही संयुक्त संघटनांच्या वतीने करण्यात आले आहे
