(तरवळ /अमित जाधव)
रत्नागिरी तालुक्यातील मौजे देऊड येथील डुगेश्वर गणेश मित्र मंडळाच्या स्थापनेला या वर्षी 25वर्षे पूर्ण होत आहेत. त्या निमित्ताने मंडळाच्या वतीने विविध कार्यक्रमांचे आयोजन १३, १४, १५ सलग तीन दिवस करण्यात येणार आहे. मंगळवार १३ रोजी सकाळी ८ वाजता गणेश जन्म दुपारी १२ ते ४ या वेळात महाप्रसाद, सायंकाळी ४ ते ६ चित्रकला स्पर्धा, सायंकाळी ७ वाजता आरत्या भोवत्या, रात्रौ ९ वाजता नमन, बुधवार १४ रोजी सकाळी १० वाजता सत्यनारायणाची महापूजा, दुपारी ३ वाजता हळदी कुंकू, संध्याकाळी ७ वाजता आरत्या भोवत्या, रात्रौ ९ वाजता भजन.
गुरुवार १५ रोजी ८ ते ४ महाचंडीका यज्ञ ,सायंकाळी ७ वाजता आरत्या भोवत्या, रात्री८ वाजता मान्यवरांचा सत्कार समारंभ रात्रौ १०-३० वाजता मंडळाच्या वतीने “स्वराज सूर्य शिवराज योगी” ऐतिहासिक नाट्यप्रयोगाचे आयोजन करण्यात आले आहे. या कार्यक्रमाचा भाविकांनी लाभ घ्यावा असे आवाहन मंडळाचे अध्यक्ष श्री सुरेश घाणेकर, सचिव श्री रविंद्र घाणेकर, खजिनदार श्री धाकू घाणेकर यांनी केले आहे.
