(जाकादेवी / वार्ताहर)
रत्नागिरी तालुक्यातील जाकादेवी खालगाव येथील प्रसिद्ध किराणा मालाचे व आंबा व्यावसायिक अरविंद दशरथ कोळवणकर यांच्या पत्नी सौ.अल्पना अरविंद कोळवणकर यांचे वयाच्या ७३ व्या वर्षी अल्पशा आजाराने उपचारादरम्याने पुणे येथे दि.९ फेब्रुवारी रोजी दुःखद निधन झाले. आज १० रोजी सकाळी जाकादेवी खालगाव येथील स्मशानभूमीत त्यांच्यावर अंत्यसंस्कार करण्यात आले.
कै.सौ. अल्पना अरविंद कोळवणकर या अतिशय प्रेमळ, सुसभावी, आणि परोपकारी वृत्तीच्या होत्या. जाकादेवीत अल्पना ट्रेडर्स किराणा मालाचे दुकान हे त्यांच्याच नावाने अरविंद कोळवणकर चालवत आहेत. त्यांना अमित, रोहित,धनश्री अशी ३ मुले आहेत. अल्पना कोळवणकर यांच्या निधनाची बातमी कळताच, त्यांच्या अंत्यदर्शनासाठी जिल्हा व परजिल्ह्यातून संबंधित नातलग, हितचिंतक,खाण व्यावसायिक,उद्योजक, व्यापारी मोठ्या संख्येने उपस्थित होते. त्यांच्या पश्चात पती, दोन मुलगे, एक मुलगी, जावई, सुना नातवंडे असा मोठा परिवार आहे.
